أنها الحقيقة أو أننى أرى أنها الحقيقة أو لابد أن هذه هى الحقيقة
لماذا لا أعرف ..........
لا أريد أن أفكر لأن التفكير جعلنى وقعت فى بئر لا اعرف له نهاية بل ولا اعرف كيف اخرج منه ولكنه القدر خلقت فى وسط من يفكرون وتعلمت التفكير فصرت افكر انها الصدفه هى التى تلعب دورها ولم افكر يوما ان افكر ولا اريد الآن أن اكمل بقية حياتى مفكرا لأن التفكير لا يأتى على إلا بالمرض والفلس والسقوط وبما انى بنى آدم مش حيوان ارى كل الناس اللى فى مصر واللى بره مصر لا يفكرون ويعيشون أى نعم هم يعيشون دائما المآسى ولكنهم يعيشون ولا يحملون أى نيه للتفكير يوما بل أعرف من كانوا يفكرون وعندما جاءت لهم الفرصة لكى يقلعوا عن هذه العاده أقلعوا وخذفوا من تاريخهم الأيام التى فكروا فيها وبدأوا من اليوم الجديد يوم لا يفكرون ولا يحللون
كل ما حولنا يدعوا لذلك أقتصاديا وأجتماعيا وسياسيا وفنيا وثقافيا ودينيا ورياضيا
كله بقى شبه اللى العين عليه أقتصاد واقع فى بير ملهوش قرار ويخرج المسئول ليقول " أننا البلد الوحيد فى العالم الذى قدر على الوقوف أمام السقوط فى هاوية الأزمة العالمية " والغريب والعجيب أن الناس لم تصدق ولكنها كبرت هى دى قيمة انك لا تفكر انك تقدر تكبر
أجتماعيا : سبحان الله هو احنا عندنا اجتماع ولا مجتمع ولا مجتمعين ..........
سياسيا : طبعا ما علينا بأنه الذى يحدث فى البلد ليس سياسة ولكننا سوف نعتبرها كده زى ما قولنا فى الأول بالشبه السياسة بقى اللى بالشبه فيها كله شبه كله المعارضة زى الحكومة الأعداء زى الزملاء الوطن زى الأوطان بقى عندنا خلل هو فين ؟ هو فى مصر كلها
يعنى لو زاد عندك واحد فى المعارضة يبقى زاد وهو فيه نفس الخصلات اللى فى ظابط الشرطة ليه عشان الكل فى مصر بقى مريض الناس مبقتش كويسة اصبحت مريضة محتاجة مليون سنه عشان تخف وتكون صالحة وكويسة وجميلة الناس بقى جواها كبت وغل وكل واحد بيحسب للى جنبه وبيحفرله حفره طبعا طبقا لقانون الغابة الذى نعيشه وللأسف انا وانتم جزء من الحفر والقانون والغابة والكبت والسياسة والبطيخ والكوسة ما هو كله على كله
فنيا : وأحنا اهه داخلين على الشهر الكريم شهر المسلسلات وفى العادى كل السخافة اللى فى الدنيا تقدر تشوفها فى التلفاذ الكريم الذى تمتلكه أغانى حب مكرره كل المعانى شبه بعض مفيش جديد فى الحب لأمه بحبك أو كرهت أو خنت أو شفت أو عرفت أو سمعت خلاص المعانى خلصت ومع ذلك ألبومات تنزل والناس عندها القدره على انها تسمع وتشترى وتابع وتعرف برامج مذيعاتها بيغلطوا فى القراءة أو التقليد والتريقه على آخرين لم ارى فيهم ما يستدعى التريقة أو المتابعة أصلا مسلسلات النجوم أفلام الأفيش أعلانات كتير أخبار متناقضة ومن يدعى ومن يبيع ومن يشترى ومن يقول ومن يرد ولا أى حاجة لها لازمة
ثقافيا : المولد كفاية قوى انه يشرح اللى فى القلب ...............
دينيا : جلابية وصلى وصوم ولا سماع لتعاليم الله وأوامره
رياضيا : الأهلى والزمالك أهم بكتير من الأقتصاد والسياسة الباقى اللى فى الدورى مش مهم هما دايما فى الأخر أصلا زى ما كلنا فى الأخر وزى ما أنا فى الأخر وعشان كده قررت انه اكون فى الآخر لا أفكر بعد تفكير طويل
مع أنى سوف أظل أفكر ولكن هفكر بينى وبين نفسى عشان الظاهر ان اللى بيفكر فى البلد دى بقى بيتعب اللى بيفكروا والللللللللللللى مبيفكرش
شكرا
ليست هناك تعليقات:
إرسال تعليق